Allah pak nay muqadas kitab Quran apnay pyaray mehbob Hazrat Muhammad (s.a.w) par nazil farmai, yeh kitab hidayat hai insano kay liay, shifa ka baes hai bimario kay liay, Quran e pak ki ayaat e mubarka ko parhna beshumar barkat ka baes hai, iski bohat see surtay moshkilat kay hal mein faida pohanchati hain, inhe khas ayaat e mubarka mein aik khas surah e falaq hai jo har tarah kay bad asrat, jadu wa asayb ko dor karnay kay liay best hai, kesi he mosibat ya moshkil ho, surah falaq ko parh kar oskay waselay say dua mangi jay to dua kabuliat ka sharf hasil karti hai aur moshkil hal hojati hai, is surah ko ba kasrat parhnay walay ko Allah pak apni hifz wa aman mein rakhta hai, surah e falaq kay baray mein Nabi pak s.a.w ka irshad mubarak hai kay surah e falaq say behtar koi dua panah kay mutalik nahi hai, jo koi yeh chahai kay woh shir e shaitan say mehfoz rahai har tarah kay asayb wa jadu say bacha rahai to surah falaq parhnay ka mamol bana lay Allah pak osko apni hifazat mein rakhay ga,
Kitab Muslim sharif ki hadees mein hazrat okba bin aamir r.a farmatay hain kay Nabi pak s.a.w nay irshad farmaya kay ajeeb ayaat hain jo aaj ki raat nazil ki ghai hain, inkay manind aaj tak nahi dekhi ghai woh surah falaq aur surah nas hain,
Surah e Falaq bohat ajeeb surah hai is mein kai israr wa ramoz poshida hain mein iski sahi tafeer kay liay har islamic books ko parha lekin detail mein iski tafseer kahin nahi mili, baray baray deeni olmao, molana, molvi, syed, peer sab say is ayaat kay mutalik pocha lekin koi bhi detail say mujay iskay mutalik na bata saka sab wahi kitabon wali batain he kartay jo meinay pehlay he parh rakhi hain,
Yeh surah e mubarka har aamil kay liay bohat important hai jo rohani ilaj kartay hain ya exorcisim kay zariay jinnat, asayb ya jadu ko mariz say nikaltay hain, is surah mein kai mukhfi chezon ka zikar mojod hai jisay aik mahir e mukhfiat he samaj sakta hai koi molana ya molvi nahi,
Yeh Aqeq ka pendant jis par surah e falaq likhi hai yeh pendant mujay hazrat lal shahbaz qalander kay melay janay par aik gemstone sale karnay walay banday say mila, os din say lekar aaj tak is ayaat par meri research jari hai, kai mukhfi olom, mukhfi chezon aur bataon ka mujay ilm is pendant say hasil hua, yeh pendant meray liay bohat lucky hai is say meinay deen ko gehrai say samjha, deen ki taraf lagao barha, research kay doran ahadees ko parha, tarikh ko parha, kai olom ko samjha aur seekha, apni family, relatives, friends aur kai logon ko faida pohanchaya onki parayshania dor ki is ayat e mubarka ki barkat say,
Aab mein yahan kuch poshida israr is ayaat e mubarka kay share karta hon,
Surah Falaq mein total 5 ayat hain, in ayaat ka urdu tarjoma yeh hai,
In 5 Ayaat mein suba kay rab, har shir e khalak, andheray ka shir, phonkay marnay walio ka shir aur hasad karnay waly kay mutalik zikar hai, is ayaat ki tafseer jo meinay kitabon mein parhi hai os mein yeh likha hai kay aik yahodi shaks jiska nam labaed bin asam tha osnay jadu kia tha Nabi pak s.a.w par aap s.a.w kay baalon par knots laga kar aur osay aik konway mein dafan kardia tha jis say Nabi pak s.a.w ko taklef hogai thi, phir 2 farishton nay surah falaq ko Nabi pak s.a.w par nazil kia aur is ayaat ki barkat say jadu kay bad asrat khatam hogay aur in 2 farishton nay he Nabi pak s.a.w ko yahodi shaks kay mutalik bataya jiska nam labaed bin asam tha,
lekin hayrat ki baat hai kay ayat mein aurton ka zikar hai mard ka nahi aur tafseer ki kitabon mein kahin bhi jadu karnay wali aurton ka zikar mojod he nahi woh aurtay kon thi? iska jawab na tafseer ki kitabon mein hai na olma e deen kay pas,
Aur jadu honay kay baad Nabi pak s.a.w ko takleef hoi thi oskay mutalik bhi kai kitabon mein different batain hain aur yeh bhi different different batain tafseer ki kitabon mein hai kay kis tarikay ka jadu tha, aik kitab mein likha hai kay kangi kay baalon mein knots laga kar kia gaya tha, dosri kitab mein likha hai kay teer kaman ki dori jisay tanit kehtay hain os mein garhain ya knots laga kar jadu kia gaya aur aik kitab mein likha hai kay mom ka putla bana kar os mein soiya laga kar kia gaya aur aik kitab mein likha hai kay in teeno tarikon kay sath kia gaya, lekin ayaat aur tafseer mein zameen asman ka fark hai yeh dono apas mein match nahi hoti,
Ayat mein 5 kowaton ka zikar mojod hai,
* Suba ka Rab (The Morning God)
* Shir e khalak ( The Evils)
* Andheri raat ka shir (The Evils of Night)
* Phonkay marnay walia (The Witches)
* Hasid ka shir (Jealousy)
Aab mein yahan aik aamil kay view say is ayat ki muktasir see detail share karta hon jis say har shaks ko faida hasil hoga, har shir say khud ko aur apni family ko mehfoz rakhay ga,
*Suba ka Rab (God Morning):
Hum mein say kafi log suba ko aik dosray ko good morning to kehtay rehtay hain lekin God Morning nahi kartay, hum sab ko har suba jab neend say othay to apnay rab ko yaad rakhna chahehai, onka shukar ada karna chahehai kay hum sahi salamat hain aur raat kay shir say mehfoz rahai, humay suba fajar ki nimaz pabandi say parhni chahehai ya agar nimaz nahi parh parahai hon to suba suba dua krna khuda ko yaad karna oska shukar ada karna hum sab kay liay bohat zarori hai, surah falaq ko har suba neend say othnay kay baad parhna chahehai aur oskay baad yeh dua parhni chahehai,
Agar aap nay suba kay rab ko yaad rakha har suba to aap saray din ki har borai har nahosat har shir say mehfoz rahai ghay, jo log suba dayr say othtay hain suba kay rab ko yaad nahi kartay onkay ghar mein humaisha nahosat chai rehti hai, ayeh din maslay masael onkay gharon mein hotay rehtay hain, bimaria, jadu wa bad asrat ghar aur ghar kay afradon ko ghayr letay hain, meri walda is mamlay mein bohat strict hoti thi humay suba jaldi othati thi aur humaisha kehti thi kay beta suba jaldi oth jaya karo dayr say othnay say nahosat hoti hai, meri bhi aap sab ko yeh advise hai kay suba jaldi otha karain aur apnay rab ko yaad kia karain, dil say dua kia karain shukar ada kia karain inshAllah aap har jaga kamiab hongay har borai say mehfoz rahai ghay.
Shir e Khalak (The Evils around us):
Shir yehni evils har jaga har waqat mojod hotay hain koi bhi insan kabhi bhi inka shikar hosakta hai, opar image ko agar aap ghor say dekhay ghay to aap ko kafi gehri batain malum hongi kay aik insan har kisam kay shir mein kistarah ghira hota hai oska bachao aur protection sirf aur sirf khuda ki ibadat karnay say mumkin hai, meinay kai logon ki ibadat dekhi hai nimaz aysay parh rahai hotay hain jesay khud par ya khuda par ahsan kar rahai hon jaldi jaldi nimaz parh kar ghar ay ghay nimaz ki topi sar say otar kay almari mein phankay ghay aur cell phone hath mein lekar busy hojay ghay isko ibadat nahi kehtay, aysay log humaisha kisi na kisi shir mein mobtala rehtay hain onki life mein sukoon bilkol bhi nahi hota woh aik maslay mein say nikal kar dosray maslay mein phans jatay hain, onko guide karnay walay log khud shir mein mobtila hotay hain aur shir virus ki tarah hota hai aik shaks say dosray shaks mein muntakil hota hai, isliay humay khud ko badalna hoga dosra ka sahara lekar chalnay walay log humaisha na kami ka mu dekhtay hain, kya pata woh shaks shir say infected ho aur aap ko bhi shir mein mobtala karday, apnay aap ko har tarah say strong rakhna chahehai aur har mosibat kay liay khud ko pehlay say taiyar rakhna chahehai humaisha aik jesay din nahi rehtay suba kay baad raat bhi aati hai aur har raat kay baad suba bhi hoti hai isliay agar boray din hain to achay din bhi zaror ay ghay, kal he meray aik friend say meri baat hoi thi jispar mujay bohat ghusa aya kuo kay woh har waqat parayshani ki he baatain krta hai aaj tak meinay kabhi koi khushi ki baat oskay mu say nahi suni humaisha mazlomiat dikhana, gorbat show karna, apnay zakham dikhana kay sara din mazdori karta hon payron mein chalay par ghay hain lekin halat nahi badal rahai, sab wesa ka wesa hai kuch nahi badal raha na kabhi badlay ga, aysi baat karnay walay log khatarnak had tak shir mein infected hotay hain aysay logon ko amliyat ki ziban mein zohal kay bad asrat walay log ya sarh sati kay bad asrat walay log kaha jata hai, yeh log mazhab say bhi bagi hojatay hain aur yeh jurm kar saktay hain aur yeh auron ko aur apnay aap ko bhi mar saktay hain aysay logon ko tawez, tilsim, dua par yakin khatam hojata hai, ibadat karna khuda ko yaad karna yeh sab onsay nahi hopata, meinay apnay friend ko jab nasihat ki to osnay mujay whatsap par foran block kardia, meinay osay kaha kay tmko khuda ka har waqat shukar ada karna chahehai kay tum mazor nahi tmharay hath paon, tmhara zehan sahi salamat hai, tmko koi bimari nahi, tmharay ghar walay bhi sahi salamat hain onko koi bimari nahi, har tarah say tum perfect ho aur abhi bhi na shukri kartay ho, mera yeh kehna tha kay osnay foran block kardia,
Is tarah shir mein mobtila aur bhi kai log apko milay ghay jo apnay aap ko modern kehnay walay aur aik naya modern islam paysh kartay hain jis mein jadu ya rohani ilaj ko tohmat aur jahalat samjha jata hai yehni inka modern naya islam yeh batata hai kay jadu ka wajod nahi, jinnat, asyab, saaya, bhoot wagayra ka wajod nahi, rohani ilaj kar kay in sab ka ilaj krna jahalat hai, yeh modern naya islam paysh karnay walay log apko news channels mein milay ghay yeh log western angrayz logon ki tarah har shir mein mobtila hotay hain, agar aap inka background dekhay ghay to apko inkay shir ki lambi list malum hogi, yeh log itnay khatarnak hain kay aik pal mein wali e kamil Allah walay shaks ko shaitan parast keh kar osko masjid, khanka, imam bargah ya mazar say nikal kar dunia bhar mein zalil wa khuwar karnay ki salahiat rakhtay hain isi tarah aik shaitan parast shaks ko aik pal mein wali e kamil Allah ka nayk banda ya Allah wala bana saktay hain, pal mein badshah ko faqir aur faqir ko badshah bana saktay hain, yeh infected hain international bari dajjali kowaton say, Allah pak hum sab ko inkay shir say mehfoz rakhay.
Andheri Raat ka shir (The Evils of Night):
31 October kay baad sardion ka winter season shoro hojata hai, raatain bari aur din chotay hona shoro hojatay hain, 31 october ko europe aur america mein halloween day manaya jata hai yehni bhooton ka din, log muktalif bhooton walay khofnak masks pehan kar yeh din celebrate kartay hain, kuo kay november aur december mein sardia kafi barh jati hain bari kali siah raaton mein har kisam kay jinnat, bhot, pret aur kai mukhfi shir phelanay wali makhlokat active hojati hain, on makhlokat mein aik makhlok jo ziada tar andheri bari raaton mein active hoti hai osay "Saaya" aur hindi mein "Pishach" kehtay hain yeh mukhfi makhlok andheri raaton mein har jaga har waqat mojod rehti hai aur koi bhi shaks iska ba asani shikar hojata hai, ziada tar bachay aur aurtay is makhlok ka shikar hoti hain worldwide har jaga, Nabi pak s.a.w ka irshad hai kay sham ko jab andhera honay lagay to apnay bachon ko ghar say bahir mat nikalnay do, saaya lag janay ki kai wajohat hoti hain jesay kai jawan larkia raat mein naha kar chaht par baal khol kar sokhati hain ya tez khushbu lagati hain jis say onko saaya lag jata hai ya kalay kapray pehan kar kisi puranay darakt kay pas sham kay waqat khari hon ya kaburistan say guzray tabhi bhi saaya lag jata hai aur woh raat ko sotay waqat kisi ki mojodgi ko feel karnay lagti hain,
Kai log jo kala jadu kartay hain andheri raaton mein kaburistan ya shamshan ghat mein jakar in saaya ko taskheer kartay hain aur kisi ki taraf bhi in saaya ko bhej detay hain aur woh shaks in andheri raaton kay saaya ka shikar hojata hai,
Kala jadu karnay walay log in saaya ko taskher kar kay kisi kay bhi ghar, office ya shop par bhejtay hain jis say ay din maslay masael barhtay rehtay hain, in andheri raaton kay shir ka hal surah e falak mein hai, jo surah e falaq ka wird humaisha jari rakhay ga woh in saaya say mehfoz rahai ga,
In andheri makhlok kay shir kay sath aur bhi kai makhlokat hain jinki lambi list hai iskay ilawa chor daku log bhi raat ko active hotay hain, Allah pak hum sab ko in andheri raaton kay shir say mehfoz rakhay.
Phonk marnay walia (The Witches):
Har kisi ki family, relatives, friends ya paros mein phonk marnay wali witch yehni daen zaror hoti hai, yeh zarori nahi kay woh mantar parh kar phonk mar kar jadu karay, jadu ki kai aksam hain bataon say brain wash kar kay hypnotize krna aur galat advise day kar kisi ka ghar kharab karna bhi jadu ki aksam mein say hai, in daen kay kisay kahania aur wakiat to bohat hain lekin mein yahan apni khud ki family mein honay walay daen kay wakiat share karta hon, daen kisi bhi rop mein har jaga hosakti hai aur wahan shir phalana oska kam hota hai, mein yahan apnay cousin ka wakia share karta hon jo aik famous colony mein rehta hai, osko apni ma jo meri phupho hain onsay bohat muhabat thi jo aab nahi, oski ma kay ghar ki chaht barish ki waja say tot ghai to woh apni ma ko apnay sath lekar apnay ghar aya aur apni ma ka bohat khyal rakhnay laga oski wife bhi bohat apni sas ki izat karti aur onka khyal rakhti sab kuch thek chal raha tha phir aik din cousin ki wife paros mein rehnay wali daen ka shikar hoi yeh wakia kuch istarah hua kay paros ki aik aurat ko os daen say infected thi cousin ki wife say milnay ai aur bataya kay paros mein aik pak bibi ai hain jo har waqat hijab mein hoti hain aur every weekend sari paros ki aurtay oskay pas jamah hoti hain deen ki batain seekhnay kay liay tum bhi wahan aya karo deen ko samjo aur ospar amal karo apnay bachon ko deen ki taraf lagao, cousin ki wife os daen bibi kay pas janay lagi aur din ba din mazhabi hoti ghai, har waqat tazbi hath mein aur kuch humaisha parhti rehti thi, meri phupho meray cousin ki walda molai tabiat ki hain aur hazrat lal shahbaz qalander ko bohat manti hain jab bhi wahan jati wahan say dhaga, pani aur wahan kay diay ka tael lekar aati aur apnay betay ko woh dhaga kalai mein bandhti sar mein tail lagati aur pani pilati takay oska beta har borai say mehfoz rahai yeh sab cousin ki wife ko acha nahi lagnay laga aur woh cousin ko mana karti kay yeh sab nahi kia karo na apnay bachon ko yeh dhaga ya tael lagao apni ma ko mana karo kay ainda aysa na kia karay, lekin meri phupho humaisha aysa kia karti jis say cousin ki wife ka para din ba din charhnay laga aur aik din bibi daen say osnay iska pocha to bibi daen nay kaha kay tmhari sas kisi say jadu karwa rahi hai takay oska beta oski muthi mein rahai yeh sari jadu ki chezain hain jo tmhari sas lekar aati hai, cousin ki wife nay kaha kay han aysa he hai jab say woh ai hai mera shohar to jesay mujay bhol he gaya hai har waqat osay apni ma he nazar aati hai os daen bibi nay kuch amal diay kay yeh kia karo takay tmhari sas ka jadu tmpar aur tmharay shohar aur bachon par bay asar ho woh amal karnay lagi aur din ba din mia biwi kay jhagray barhtay ghay aur akhir yeh nobat aghai kay cousin nay apni biwi kay kehnay par aadhi raat ko apni ma ko ghar say nikal bahir kia, bichari zaef borhi ma ka osay koi ehsas na hua, suba woh meray pas ai aur sari batain batai mujay bohat dokh aur taklef hoi kay mera cousin aysa bhi kar sakta hai, meinay jab sab chan been ki to is borai ki jarh pakar li woh thi bibi daen jo mazhab ka libada orhai shir kay kam kar rahi hai, ma ki aah ma ki bad dua bohat khatarnak hoti hai aur yeh meray cousin aur oski wife ko aysi lagi kay woh sari omar yaad rakhay ghay, onki gari ka bori tarah accident hogaya aur Allah pak nay khair kia sahi salamat to rahai lekin cousin kay face par aysay nishanat aghay hain jo sari omar rahai ghay yeh phitkar hai oskay face par jo osnay apni ma kay sath zulam kia, biwi kay dant tot ghay fake dant lagae hoay hain, oski biwi abhi bhi os daen kay bad asrat mein mobtila hai osnay apnay shohar ko muj say milnay kay liay bhi roka hua hai lekin mera cousin aaj bhi chop kar muj say milnay ata hai, os bibi daen nay kuch aysay tonay totkay osay dian hain kay mera cousin oska ghulam bana hua hai jisko apni ma tak dikhai nahi di to mein kya dikhai don ga,
Aik aur bibi daen hai jo meray paros mein rehti hai paros ki aurtay kafi oskay pas jati hain aur meray khud kay relatives bhi oskay pas jatay hain khas kar meri khala aur onkay bachay jo meray cousins hain woh bhi dam karanay jatay hain, os daen bibi nay mera taluk apni akhloti khala say he khatam karwa dia yeh keh kar kay mein onkay ghar mein kala jadu karta hon yeh aik bohat he ghatia baat osnay kahi mein kuon apni sagi khala par jadu karon ga, yeh ghatia aurtay mazhab ka sahara lekar istarah nafratay philati hain, mujay malum he nahi tha yeh sab aik din mera cousin mujay rastay mein mila bohat parayshan lag raha tha meinay has kar salam kia thori mazak ki to ro para aur kaha kay khuda tumko dekhay ga has lo jitna hasna hai meri ma hospital mein hai meray bachay bimar hain mera bap alag bistar mein laga hai bara bhai naraz hokar ghar say chala gaya hai, kya kasoor hai humara kya bigara hai hum nay tmhara kuo jadu kia hum par, mein oski bataon say aik dam say saktay mein agaya kay yeh bol kya raha hai phir osnay bataya kay bibi nay aysa bataya hai meinay osay kaha kay woh daen hai to ghusay mein agaya kay ikhlaq say baat karo woh syed pak bibi hai, meinay kaha lanat ho aysi bibi par jo jhot bol kar shir aur nafrat philae aysi kay pas tum kuon jatay ho, phir meinay Quran pak, apnay peer wa murshid aur ma bap ki kasam kha kar osay mutamin kia kay mein kuo jadu karo ga, aab woh normal to hogaya hai lekin os daen bibi kay pas ana jana aab bhi hai aur meray samnay rehnay wali cousin bhi oskay pas jati hai shayad osay bhi shak ho muj par, in sab wakiat ko batanay ka mera maksad yeh hai kay yeh bibi bani jahil aurtay jinko mukhi olom ki aalif bay tak malum nahi sirf jahalat kot kot kay bhari hoti hai uneducated aurtay jinko deen ka ilm bhi puri tarah nahi hota jo deen ko bhi galat tonay totkon say kharab karti hain jesay qurani kisi bhi ayat ko agar olta parho to ism e azam milay ga oska wird karnay say aap ki moshkilat khatam hogi, lanat ho aysi aurton par jo qurani ayat ki toheen karti aur karwati hain inhe ko to daen kehtay hain jo nafrat, shir kay sath mazhab bhi kharab karti hain, meri advise aap sab ko yahi hai kay aap kay ghar ki khawateen agar yeh kahai kay hum dars ya islami batain seekhnay samajnay ya rohani ilaj kay liay bibi kay pas jati hain to aap onko foran rok do kuo kay shir ka beech yahin say parna shoro hota hai aur barhtay barhtay nafrat ka payr khara hojata hai, Allah pak aap sabi ko aysi daen bibi ya peerni kay shir say mehfoz rakhay,
Meray cousins aur meri khala par phonk marnay walio ki aysi phonk lagi kay aaj tak woh ay din parayshan he parayshan rehtay hain koi sukoon nahi onkay ghar mein, meri advise onko yahi hai kay surah falaq ko suba sham kasrat say parha karain takay in phonk marnay walio kay shir say nejat mil sakay,
3 witches yehni 3 daen ki philosophy har mazhab har culture mein zamana e qadeem say he mojod hai, olma e rohaniat wa mukhfiat kay mutabik har shaks ka samna oski life mein 3 daen say zaror hota hai, in teeno daen ka shape istarah hai kay aik moti bhadi shape ki hoti hai, aik patli khubsurat hoti hai aur aik borhi hoti hai, yeh teeno daen har insan ko oski life mein kisi na kisi rop mein zaror mila karti hain, wife ki surat mein, sas ki surat mein, mehboba ki surat mein, dost ki surat mein ya teacher ya student ki surat mein etc...
meinay opar jo cousin ka wakia bataya jisnay apni ma say zulam kia woh aaj kal dosri daen kay asar mein agaya hai, pehli osay borhi daen mili, aab young aur khubsurat daen mili hai jispar woh sabi paisay ospar lota raha hai aur os say dosri shadi karnay ki khuwaish rakhta hai yahin say oski tabahi shoro honay ko hai meinay osay bohat advise di samjhaya lekin woh os daen kay full kabu mein hai, Allah pak osay hidayat day meinay to har tarah say osay samjhaya,
Kai log aysay hotay hain jinkay sosral mein daen hoti hai, jab woh apni wife ko sosral chor kar ata hai to wahan oski wife pehlay to khushi khushi jati hai lekin jab shohar kay pas wapis ghar aati hai to rop he oska alag hota hai, shohar say larna ghar mein bachon par ghusa hona, shohar aur bachay bicharay oska yeh rop dekh kar seham say jatay hain shohar ko alag hayrat hoti hai kay achanak isay aysa kya hogaya jo aysa behave kar rahi hai, yeh sab os daen ki waja say hota hai jo sosral mein hoti hai aur woh koi bhi hosakti hai saas, sali ya wahan ki koi bhi aurat, isliay meri advise hai kay wife ko kabhi bhi tanha kahin na choray har waqat saaya ki tarah apni wife kay sath har jaga mojod rahain agar majbori hai wife ko tanha chorna hai sosral to surah falaq ka wird wife ko parhnay kay liay kahai ya khud parhain jab woh janay lagay aur jab woh wapis ghar ay to,
Jinki wife job karti hain woh ba asani daen aurton ka shikar hojati hain aur galat rastay mein ajati hain, agar aap ki wife job karti hai to aap osay surah e falaq parhnay ka mashora dain aur khud bhi parhkar ospar dam kia karain inshAllah is surah ki barkat say woh kabhi galat rasta nahi choose karay gi,
Kai log aysay bhi hotay hain jinkay pas itni achi pyar karnay wali biwi hoti hai lekin dosri jaga onka affair hojata hai kuch to wife say chop kar apni lover say miltay aur zina kartay hain aur kuch to mazhab ka sahara lekar dosri shadi kar letay hain yeh log bhi daen ka shikar hojatay hain in logon ko apni pyar karni wali biwi ki feelings ka zara bhi khyal nahi hota, dunia ko dikhanay kay liay dono biwio ko bitha kar photos lekar share kartay hain kay dunia dekho meri dono biwia khush hain sath rehti hain aik he ghar mein, baray afsos ki baat hai kabhi apni wife kay dil mein jhank kar dekha kay oskay dil par kya beet rahi hogi, woh bhi insan hai jesay aap insan ho oskay andar bhi wahi feelings hain jo aap mein hai, thora is baat par ghor karo kay aap ki wife kisi ghayr mard ko apnay sath bitha kar kahai kay jesay aap meray shohar ho wesa yeh hai phir kya feelings hongi aap ki, aap ki ankhon mein khoon otar ay ga jab aap kisi ghayr mard kay sath apni wife ko dekho ghay to yahi same feelings aap ki pyar karnay wali wife ko hogi agar aap dosri biwi kay sath bistar par so ghay to, isliay please meri advise hai aap sab ko kay daen aurton kay chakar mein akar apna ghar kharab na karain, hayrat to on daen aurton par hai jinko malum bhi hota hai kay yeh shadi shoda hai lekin phir bhi onpar doray dalti hain yahi to daen hain jinka kam he shir philana, nafrat dalna, judai karwana hota hai warna aik normal nayk aurat aysa kabhi soch bhi nahi sakti, Allah pak hum sab ko phonk marnay wali daen, pyar ka dawa karnay wali daen aur gharlio daen say mehfoz rakhay.
Hasid ka Shir (Jealousy):
Hasad woh na dikhai denay wali aag hai jis mein insan andar he andar jalta rehta hai dosron ki khushi ya dosron ko khush dekh kar, yeh hasad wala masla tab say shoro hua jab hazrat Adam a.s kay do beton mein say aik betay nay apnay bhai ko hasad ki waja say katal kia yeh dunia ka pehla katal tha jo hasad ki waja say hua,
Kuch log to aysay hotay hain kay waqti tor par hasad kartay hain lekin phir normal hojatay hain dua denay lag jatay hain aur kuch log har waqat hasad kartay hain aur apna andar jalatay rehtay hain inhe logon ko hasid kaha jata hai jo har waqat kisi na kisi say hasad kartay rehtay hain, aap ko oski ankhon say oskay face kay impression say ba asani malum hojay ga kay yeh hasid hasad karnay wala hai, oskay face par phitkar baras rahi hoti hai, jo humaisha hasad kartay rehtay hain woh shaitan ban jatay hain aur onsay aysi bad rays kharij hoti hain virus ki tarah jis say khushal shaks infected hokar problems mein ajata hai, har shaks ki family mein koi na koi hasid hasad karna wala zaror hota hai, meri apni family mein bhi hasid hasad karnay walay bohat hain, aik wakaya cousin ka yahan share karta hon, meray cousin kay pas choti car thi jo woh careem mein chalata tha oski khuwaish thi kay woh yeh sale kar kay bari car lay, osnay muj say hisab lagwaya kay ali bhai batao meri yeh car kab sale hogi bohat parayshan hon yeh sale hojay takay bari car lay sakon meinay osay kaha kay isi week mein inshAllah tmhari car sale hojay gi aur wahi hua oski car sale hogai aur osnay bari car li aur family mein sab ko dikhai kisi hasid kay hasad ka aysa shir laga kay meray cousin ka accident hogaya, car ka darwaza pura kharab hogaya, meray cousin nay kaha kay ali bhai pata nahi konsi sakti hai ya shayad koi jadu karwa raha hai meinay osay kaha kay har maslay ki buniad jadu nahi hota, agar jadu hota to tumhari car sale he na hoti aur na he yeh car tum lay patay yeh sab hasad ki waja say hua hai,
Hasad karnay walay log paros mein bhi hotay hain, friends mein bhi in kay hasad kay bad asrat say bachnay kay liay ya onkay shir say mehfoz rehnay kay liay surah falaq ka wird humaisha karna chahehai takay hasid kay shir ki waja say problems na hosakain.
Aap sab ko yeh sab parhnay kay baad malum hogaya hoga kay surah e falaq mein kitnay ziada fawaid hain, isay humaisha parhtay rehnay say aap humaisha har bari mosibat say khud ko aur apni family ko mehfoz rakh sakay ghay har tarah kay shir say jo andekhi kowaton ya logon kay thru hongay,
Amliyat Surah e Falaq:
Aab mein yahan surah e falaq kay kuch amliyat share kar raha hon jo mujay muktalif kitabon say hasil hoay,
*Zehan Tez karnay ka amal:
Jisko koi baat yaad na rehti ho, zehan kamzor ho ya parhae mein zehan na lagta ho parhae mein kuch yaad na rehta ho, parhae kay doran sar mein dard rehta ho to suba kay waqat 3 badam lekar ba wazu hokar surah e falaq 3 bar parh kar badamo par dam karay aur kha lay yeh amal 11 dino tak karay inshAllah zehan sahi hojay ga.
*Saaya dor karnay ka amal:
Agar kisi par saaya agaya ho aur raat ko tang karta hoto ba wazu hokar 7 martaba surah falak ko sarson kay tael par dam karay aur os tael say saray jism par malish karay ya kisi say karwae to inshAllah saaya say nejat mil jay gi.
*Zehani bimari ka amal:
Agar kisi ko zehani koi bhi bimari ho woh heeran ki khal kay tokray par surah falaq ko lekay aur chandi kay tawez mein dal kar galay mein pehan lay, inshAllah shifa milay gi.
*Dushman ki ziband bandi ka amal:
Jo koi yeh chahai kay woh dushmano kay shir say mehfoz rahai, dushman osay kisi tarah ka noksan na pohancha sakain to osay chahehai kay ba wazu halat mein aik hazar martaba surah falak ki akhri 5th ayat ko parhai chand ki pehli tarikh ko, parhnay kay baad dushman ka tasawar kartay hoay zameen par dastak day, is amal ko rozana karay, inshAllah dushman ki ziban bandi hojay gi oskay shir say bacha rahai ga.
*Shir e shaitan say hifazat ka amal:
Agar kisi ko shaitani wiswisay bohat ziada tang kartay hon jiski waja say kafi parayshan hoto osay chahehai kay woh har nimaz kay baad 13 martaba surah falaq parh lia karay, inshAllah shaitan kay shir say mehfoz rahai ga.
*Mohtaji dor karnay ka amal:
Jo shaks yeh chahai kay woh dunia mein kisi ka muhtaj na rahai Allah pak har jaiz zarorat kay asbab gayb say mohia farma dia karay to osay chahehai kay woh rozana 30 martaba surah e falaq ko ba wazu halat mein parhai har roz aur dua manghay, inshAllah kabhi muhtaj na hoga.
*Jinon kay ilaj ka amal:
Agar kisi ko pagal pan kay doran partay hon halat jinoni hojati hoto osay chahehai kay ba wazu halat mein rozana surah e falaq 11 martaba parh kar marez par dam karay aur pani par dam kar kay pilae, inshAllah shifa milay gi.
*Jadu khatam karnay ka amal:
Jo koi yeh chahai kay jadu kay asrat say mehfoz rahai woh har nimaz kay baad 21 martaba surah e falaq parhai aur dua mangay inshAllah jadu say mehfoz rahai ga, agar kisi par jadu kardia gaya hoto surah falaq heeran ki khal par musk wa saffaran say likh kar bazu mein bandhay aur pani par dam kar kay piay to asrat zael hojay ghay.
*Har Shir say bachao ka amal:
Agar kisi ko shaitani wiswisay aatay hon aur oska dil borai ki taraf aur boray kam ki taraf ziada jata ho aur dili sukoon na milta hoto osay chahehai kay har nimaz kay baad 11 dafa surah falaq ko parhai aur pani mein dam kar kay pani piay inshAllah mehfoz rahai ga, agar kisi ko shaitan khoab mein tang karta ho jis say boray khoab atay hon jiski waja say ahtalam ziada hota ho ya khoab mein darta ho ya dar khof har waqat rehta hoto surah falaq ko ba wazu heeran ki khal mein musk wa saffaran say likh kar chandi kay tawez mein dal kar har waqat pehnay rakhay inshAllah har shir say mehfoz rahai ga.
Surah e Falaq ki yeh posting mein yahin tak complete karta hon, inshAllah mazed Qurani ayat par aur bhi kai postings share karon ga,
mazed malumat kay liay muj say rabta kar saktay hain,
Phone & Whatsap: +92 03003799165
E-mail: ali_pirzada@yahoo.com
Apnay is bhai ko apni duaon mein zaror yaad rakhiay ga, Allah pak aap sabi ko khush wa abad rakhay aur har shir say mehfoz rakhay.
Ali.
My Other Articles:
Camel Bone Talisman
Black Dog Talisman
Black Cat Talisman
Black Snake Talisman
Black Horseshoe Talisman
Black Goat Talisman
Black Scorpion Talisman
Nailed Heart Talisman
Bandish Talisman
Aqad Al Tareek Talisman
Kila Talisman
Hoodoo Candle Talisman
Bamboo Talisman
Voodoo Nail Talisman
Heart yehni dil jism ka woh khas organ hai jo insan kay jism mein dharakna tab say shoro karta hai jab woh 1 inch kay size jitna ma kay payt mein hota hai dil ki dharkan non stop pedaish say lekar mot tak insan kay jism mein dharkti rehti hai,
Olma e Rohaniat wa Mukhfiat kay mutabik insani emotions wa feelings ka dil kay sath bohat gehra taluk hai jab insan apnay mehbob ko dekhta hai to dil ki dharkan achanak tez hojati hai isi tarah dar wa khof say bhi dil ki dharkan ka achanak tez hojana ya khushi ki khabar sontay he dil ki dharkan bay kabu hojati hai, dil insani jism kay andar tamam blood ko pump krta hai aur olma e rohaniat kay mutabik dil computer hardisk ki tarah insan kay andar woh khas organ hai jis mein insan ki tamam khuwaishat, emotions wa feelings save hoti hai, agar insan kay jism mein dil na hota sirf dimakh hota to insan robot ki tarah machine hota oskay andar koi feelings pyar, muhabat, nafrat, gusa, hasad wa jalan, naiki wa badi ki bilkol bhi na hoti, insan ki pedaish kay doran jo woh chota fetus sa hota hai to dil he pehla organ hota hai jo oskay jism mein banta hai aur blood ko cord kay thru ma say lekar pump krta hua sar tak pohanchata hai jis say jelly ki tarah dimakh mein nasay banni shoro hoti hai aur maghaz ban jata hai aur yahi process puri body mein phelta chala jata hai jis say nasay banti chali jati hain is say yeh baat clear hojati hai kay dil ka dimakh say gehra taluk hai, dil he pehlay dimakh ko janam deta hai yehni dil dimakh ki ma hai, yeh baat to aaj medical science ko malum hui hai lekin zamana e qadeem say he olma e rohaniat ko malum tha kay dil insan ka sab say aham organ hai jis mein insan ki khuwaishat dafan hoti hain,
qadeem dor mein jab koi insan marjata tha to oski ruh logon ko parayshan karti thi ya kabhi aysa hota tha kay jab kisi ki family mein death kisi ki hojati to oskay pechay sabi family members bari bari marna shoro hojatay thay oski wajohat yeh hoti thi kay marnay walay ki koi khuwaish adhori reh jati thi jiski waja say oski ruh ko sukon nahi mil pata tha jis say woh ruh bad ruh ban kar sabi ko parayshan karti ya phir family mein oski chahat bohat ziada hoti aur woh sabi ko apnay pas bolana chahati, is problem ko thek karnay kay liay qadeem europe mein log bad ruh ki khuwaishat ko khatam karnay aur osay pursukon karnay kay liay oski kabar khud kar oskay dil kay mukam par bari keel thonk kar oska dil phar detay ya keel ko garam kar kay dil ko jala detay thay jis say oski khuwaishat humaisha kay liay khatam hojati aur woh pur sukon hojati thi,
Yeh ritual puray Europe mein jungle ki aag ki tarah phel gaya aur kai mukhfi makhlokat ka janam honay laga jisay aaj vampire ya dracula kaha jata hai aur inko khatam karnay walay aamil logon ko vampire hunter kehtay hain jinkay pas aak maksos briefcase hota hai jis mein keelay hathora, cross, holy water aur tarah tarah ki choti bottles mein herbs hoti hain,
Yeh sab ka sab hum aksar dracula ya vampire ki movies mein dekhtay hain lekin hum sab yahi samajtay hain kay yeh sab mangharat kahania, novels ya dramay ya movies hain haqeqat is mein kuch bhi nahi, lekin jab aap kisi mahir olom e mukhfiat say iskay mutalik pochay to woh aap ko yahi jawab day ga kay is mein 100% haqeqat hai aur iska janam africa say shoro hota hai,
African log jo mukhfi olom jantay hain onko arwahon kay ilm mein bari maharat hasil hoti hai, bad ruh ya nayk ruh sabi ki pehchan onko hoti hai, kabar khud kar dil kay mokam par keel thonkay wala ritual bhi yahi say shoro hua, onkay bag mein tarah tarah ki keelay,soay, pins, hathoray, jari botia hoti thi jinko medicine bag kaha jata hai aur jhar phonk karnay walay africi ko witch doctor kaha jata hai, isi chez ko europe mein vampire hunter ka nam dia gaya aur medicine bag ki jaga briefcase ban gaya aur possessed logon ko vampire ya dracula dikhaya gaya aur bari bari kahania bana kar media mein paysh kardia gaya,
in sabi kahanio aur movies mein humay kai mukhfi olom ki jhalak dikhai deti hai in mein voodoo ka ilm ziada humay dikhae deta hai, jahan keelay, pins ya soay used hon os ilm ko voodoo ka ilm kaha jata hai,
Voodoo ka ilm aik natural ilm hai iska taluk kisi bhi deen wa mazhab ya shaitan say jora nahi hota, hum isay kala, peela ya safed jadu nahi keh saktay yeh muktalif raang logon nay is ilm ko diay hain jo is ilm ki samaj nahi rakhtay, har shaks apnay deen kay ilm ko noori ilm samajta hai dosray kay deen kay ilm ko kala jadu samajta hai, lekin jo ilm dost log hotay hain ghor wa fikar krnay walay woh ilm ki sachai ko parakhtay hain oskay asrat ko observe kartay hain, jo ilm insan aur insaniyat ki bhalai aur faiday kay liay ho woh ilm kabhi galat nahi hosakta, ilm dost log zamana e qadeem say he har mashray wa mazhab mein rahai hain inhe logon ki waja say aaj voodoo ka ilm humay dunia kay har mazhab mein mixed kia hua milta hai, har shaks apnay apnay deen wa mazhab kay asool wa kawaid kay mutabik voodoo ka ilm kar kay os say fawaid hasil kartay hain,
Humaray Deen Islam mein muslim olma e rohaniat wa mukhfiat aur ilm dost logon nay voodoo kay ilm par kai kitabain likhi hain in arabic aur farsi qadeem wa nayab kitabon mein humay voodoo kay ilm ka nayab zakhira milta hai lekin afsos humaray mashray mein kai log aysay hain jo is ilm ko galat nazriay say dekhtay hain aur kalay jadu ka nam day detay hain ya bengal ka jadu ka nam detay hain yeh woh log hain jinko ilm ki samaj nahi hoti na woh ghor kartay hain yeh lakeer kay fakir hotay hain sachai ilm ki dikhae bhi day tab bhi osay galat keh detay hain,
Opar image mein aap ko 4 bari keelay dikhai day gi yeh vampire hunter jesi he keelay hain, in keelon mein ayat wa dua likhi hoti hain inko ghar ki khair wa barkat aur jinnati asrat say mehfoz rakhnay kay liay ghar kay charon kono mein garh di jati hain, agar kisi kabar ki bad ruh parayshan karti hai to aysi he keelon ko kabar kay charon kono mein laga kar pani par ayaat dam kar kay kabar par woh pani chirka jata hai jis say bad ruh pur sakon hojati hai, yeh islamic tarika hai voodoo kay ritual ka,
Voodoo kay ilm mein Tasawar aur Neyat yeh 2 important elements hotay hain tabhi voodoo ka ilm asar krta hai, agar tasawar aur neyat strong ho to kisi bhi shaks ka putla bana kar oska ilaj bhi kia jasakta hai ya osay taklef bhi di jasakti hai chahai woh dunia kay kisi bhi konay mein rehta ho, jistarah hum kisi bimar shaks ki sehatyabi ki neyat kar kay kala bakra sadqa kartay hain to sadqay kay is amal say osay shifa mil jati hai chahai woh dunia kay kisi bhi konay mein dor betha ho osay wahin faida hasil hota hai, kalay bakray ka sadqa rad e bala hai kisi bhi shaks ki shifa ki neyat kar kay amal karnay say woh shaks andekhi balaon wa bad asrat say mehfoz hojata hai,
Sadqay walay Kalay Bakray kay organs say aur bhi kai kam liay jasaktay hain, sari baat ilm ki hai agar oskay pas ilm hai to woh apnay ilm say matti ko bhi sona bana sakta hai yeh kahawat hum nay baron say suni hai same isitarah agar kisi shaks kay pas voodoo ka ilm hoto woh bakray kay har organs kay khuwas say parayshanio kay daldal mein dhansay logon ko parayshanio say nejat dila sakta hai,
Aaj mera topic Sadqay walay Kalay Bakray kay khas organ heart yehni Dil kay mutalik hai, is say pehlay bhi meinay kalay bakray ki shanay wali hadi kay mutalik bhi likh choka hon aab yeh naya topic mera aap sab ko zaror passand ay ga aur mukhi olom ki sachai aur haqeqat aur chopay raaz aap ko malum paray ghay,
Goat Heart Ritual for Solve Financial Problem:
Pakistan mein Mahir Ilm e Mukhfiat Alama Molana Muhammad Rafique Zahid sahab thay jinkay pas Arabic aur Farsi nayab qadeem kitabon ka bara zakhira mojod tha, Alama Rafique sahab woh pehlay shaks thay Pakistan mein jinhonay in nayab kitabon ko urdu mein tarjoma kar kay kitabain likhi in kitabon mein humay voodoo ka nayab ilmi zakhira milta hai, Bakray kay dil kay khas amliyat jo meinay onki kitabon mein parhai onko meinay apnay amal mein lia aur kai logon ko is amal say fawaid hasil hoay, yahan mein 2 khas amal share kar raha hon jo meray azmoda hain,
Alama Abu Al Hasan Aymali apni kitab Awaraf Al Horof mein likhtay hain kay Akabar olma e fun kay nazdek tilsim ajeeb al nafah ka amal kashaish e rizaq kay liay agar sharaet amal kay mutabik parha jay to mojarbat say hai, jo shaks khulot wa tanhae mein neyat kay sath tilsim ajeeb al nafah kay amal ko 40 din tak har roz 300 martaba parhai to khuda e buzrog wa bartar osko ghani kar day ga kay apnay siwa osay kisi dosray ka mohtaj na rakhay ga,
Alama aik aur amal bhi tehrer farmatay hain kay jo shaks fakir wa muhtaj ho woh aik gosfand yehni bakray kay dil par tilsim ko parhai phir is tilsim ki ibarat ko aik kagaz par likh kar is kagaz ko dil kay sorakh kay andar rakh kar kisi masjid kay darwazay ki dehlez kay nechay dafan karday to tangi rizaq farakhi kay sath mabadal hojay, khuda e pak is amal kay aamil ko aysi jaga say rizaq e hilal aur maal pohanchae ga jahan oska guman bhi na hoga,
Yeh amal meinay bohat arsa pehlay kia tha aur iskay zabardast asrat ka mein khud bhi kael hogaya, is amal mein dil ko kisi veeran qadeem masjid jahan nimaz na hoti ho wahan dafan karnay say ziada fawaid dekhnay ko milay,
Yeh amal on logon kay liay bhi bohat best hai jinka rozgar ya karobar mein bilkol bhi dil nahi lagta, jistarah school mein kai bachon ko education mein bilkol bhi dilchaspi nahi hoti onka dil wahan bilkol bhi nahi lagta halakay woh zaheen hotay hain har kam wa khel kud mein onka zehan aala say aala hota hai lekin education mein bilkol zero hotay hain waja dilchaspi ka na hona hota hai same kai aysay log bhi hotay hain jinko kisi bhi kam mein dil nahi lag pata woh apni taraf say puri koshish kartay hain lekin dil onka wahan bechain sa rehta hai ghutan see onko honay lagti hai, istarah ka aik case meray pas bohat arsay pehlay aya tha aik aurat apnay betay ko meray pas lai aur kaha kay Ali bhai meray betay ka hisab dekhain ispar aysi kya sakti hai ya jadu hai ya bandish hai jiski waja say achi say achi job ko chor kar ghar betha rehta hai jo isnay kaha jesi job ka kaha osko apnay man passand kam mein bhi oska dil nahi lagta akhir waja kya hai, meinay jab oska hisab dekha to na to koi bandish ka hisab mein aya na bad asrat ka na he jadu ka yeh baat wakai meray liay hayran kan thi meinay dobara hisab oska banaya tab bhi yahi aya, meinay apnay dil mein socha kay yeh banda to mashAllah bilkol fit hai koi problem nahi phir kya waja hosakti hai? kafi ghor wa soch kay baad phir mujay malum hua kay kuch logon ki nature he aysi hoti hai kay onka man onki soch ya dil kam karnay par bilkol bhi nahi lagta, hum aysay logon ko kam chor ya nikama nahi keh saktay kuo kay woh koshish to kartay hain lekin kar nahi patay nikama aur kam chor to woh hota hai jo jan bojh kar kam na karay lekin jo khud apni taraf say koshish karay aur kam na kar pay to woh aik spiritual bimari ka shikar hota hai, aysay logon kay liay yeh dil wala amal bohat best rehta hai onka dil kam par aysa lag jata hai kay pura focus onka osi par laga rehta hai jis say woh aik kamiab insan ban jatay hain,
Yeh amal Sacrificial Black Goat kay Heart par karnay say he iska acha result milta hai yehni Qurbani wala kala bakra ya sadqay wala ho, agar koi shaks bohat gareeb ho bakra na khared sakta hoto kasai say bakray ka dil aur phaphray kharid lay, phapharon ko sadqay ki neyat kar kay janwaron ko khila day oskay baad dil wala amal karay to best result osay milay ga,
Goat Heart Ritual for Solve Love Problem:
Voodoo kay ilm mein jistarah mehbob ki doll bana kar ospar keelay ya pins lagai jati hai same isitarah bakray kay dil par bhi keelay laga kar amal kar kay mehbob ko hasil kia jasakta hai yeh amal zamana e qadeem say lekar aaj bhi dunia mein har jaga har cultural mein kia jata hai, British museum aur europe wa america kay museums mein keelay lagay sokhay hoay dil aaj bhi aap ko dikhai day ghay inko archeologist yehni mahir asar e qadeema kay logon nay qadeem kaburistano ya religious jagahon say khudai kar kay hasil kiay thay, is say yeh baat sabit hoti hai kay yeh ilm bohat he ziada qadeem aur authentic hai tabhi zamana e qadeem mein bhi is amal ko kia jata tha aur aaj bhi kia jata hai, bakray kay dil kay amal ko hub wa muhabat wa taskheer kay kamo mein ziada use kia jata hai kuo kay dil ka taluk emotions, feelings aur kai jazbat say jora hota hai, aik zabardast amal hub wa muhabat ka mein yahan share kar raha hon jo mera kai bar ka azmoda hai,
Arabic ki Qadeem wa Nayab kitab "Al Marof" mein Bab Al Hob wa Al Taskher kay chapter mein yeh nayab amal bakray kay dil ka likha hai jo istarah hai kay,
Agar kisi mard ki taskher ya muhabat ka amal karna hoto nar bakray ka dil hasil karay, agar aurat ki taskher ya muhabat ka amal krna hoto mada bakri kay dil ko hasil karay, jab dil hasil hojay to amal kisi pursukon aur tanhae wali jaga par karay, amal ki jaga mein koi dhoni loban ya gogal ki roshan karay aur koi lambi keel jo dil kay size jitni ho osay garam kia jay, jab keel garam hojay to tilsim ajeeb al nafah ko parhtay hoay mehbob ka paka tasawar kar kay keelay ko thanda honay say pehlay he dil kay darmiani walay sorakh mein say dal kar nechay say ar par karday, iskay baad dil mein thonkay hoay keel ko thanda honay say pehlay he kisi poshida aysi jaga par dafan karday jahan aamil kay siwa kisi bhi shaks ka saaya na par sakay, phir aamil is jaga par 40 din tak suba wa sham aag roshan rakhay aur dono okat mein pabandi kay sath tilsim ajeb al nafah ko 101 martaba parhta rahai, amal kay doran tark e haiwanat karay aur koi bhi nagha amal mein na hosakay warna amal kharab hojay ga, is amal kay baad mehbob ka dil aysa bechain hojay ga kay osay dekhtay he oskay dil ki dharkanay tez hojay gi aur jab tak osay dekhay na osay bilkol chain nahi milta har waqat osi ki soch mein oska dil mubtala rehta hai aur kisi bhi kam karnay ko oska dil nahi karta bas mehbob ki soch oskay dil wa dimakh mein aysi naqsh hojati hai kay agar koi oskay khilaf bhi baat karay to gusay ki waja say oski ankhon mein khon sa ajata hai chahai woh oskay waldain hon ya koi aur apna woh osay dushman lagnay lagta hai aur jo oski tarif karay to osay woh apna aziz feel honay lagta hai yeh amal koi na jaiz kisi par na karay isliay meinay tilsim ajeeb al nafah ka wazifa yahan share nahi kia,
Is amal say meinay kai logon ki madad ki hai jo muhabat kay hathon aysay majbor hogay thay kay khudkashi yehni apni zindagi ka khatma karnay par majbor hogay thay aaj woh log khush aur khushal hain apnay mehbob kay sath aur apni duaon mein mujay yaad rakhtay hain onka zameer onko har bar yeh baat yaad dilata hoga kay Ali bhai kay amal ki waja say onki zindagi abad hoi hai,
Mein yeh amal apnay alag maksos tarikay say karta hon, insan lakeer ka fakeer na banay apni soch aur ghor bhi karay, kitabon mein sab kuch share nahi kia jata, tajorbay aur moshaiday say he kisi bhi amal kay chopay raaz malum partay hain,
Jab koi muj say yeh amal karwata hai to mein kala bakra is amal kay liay choose karta hon aur kasai say katwa kar oska sara meat gao mein gareeb logon mein bant deta hon,
Is amal say aik rohaniat ki kari dar kari chain see ban jati hai gareebon ki duain bhi is amal mein apna alag asar ka power dalti hain jis say amal bay asar ya zaya honay ka koi chance nahi hota,
Meat sara gareebon mein bantay kay baad bakaya organs janwaron ko khilaya jata hai jesay kuttay, kaway ya cheelon ko aur sirf organ dil ko amal kay liay save kia jata hai,
Meinay yeh amal maksos tilsim kay sath karta hon aur copper kay baray bowl mein loban ki dhoni roshan karta hon aur osi bowl mein keel ko bhi achi tarah garam karta hon,
Jab keel garam hojati hai to osay koilon say bahir rakhta hon jab halki garam hojati hai to keel ko dil kay beech walay hole mein dal kar dil kay nechay keel ko par kardeta hon,
Jo muj say yeh amal karwatay hain woh mujay photos aur nam ki details send kartay hain aur photo ko dekhtay hoay tasawar aur neyat kar kay amal krta hon chahai woh kitni bhi dor bethay hon amal ka asar onpar hota hai jesay sadqay kay bakray ka amal ka asar dunia mein kahin bhi dor bimar shaks betha ho osay wahan shifa milti hai same is amal say bhi zabardast fawaid hasil hotay hain,
Keel lagi dil ko jis jaga dafan karta hon woh jaga bhi aik maksos tarikay say banata hon, veeran jaga jahan logon ka ana jana na ho wahan zameen khud kar circle kay andar circle jesa shape banata hon istarah,
Iskay baad keel lagay dil ko beech walay circle kay beechon beech garh deta hon istarah,
Sirf keel ka cap wala kuch hisa bahir rakhta hon takay keel thek say foran garam hojay,
Iskay baad dono circles mein koilay sur sokhi ghas dalnay kay baad aag laga kar yeh amal 40 din tak pabandi say complete karta hon is amal say dil garam hokar sokta hokar sakht sa hojata hai aur wesa he hojata hai jesay museums mein rakhay hoay hain,
Yeh amal meinay kai logon kay liay kiay aur aab bhi krta rehta hon is amal say gareebon ka bhala hota hai, onko acha khana naseeb hota hai, duain milti hai jis say mera aur amal karwanay walay ka bhi bhala hojata hai,
Kalay Bakray kay dil kay mutalik yeh topic abhi yahin tak complete krta hon, InshAllah new topic par zaror aur bhi kai postings karo ga,
Is amal kay mutalik mazed malumat kay liay muj say rabta kar saktay hain,
Phone: +92 03003799165
E-mail: ali_pirzada@yahoo.com
Ali.
My Other Articles:
Camel Bone Talisman
Black Dog Talisman
Black Cat Talisman
Black Snake Talisman
Black Horseshoe Talisman
Black Scorpion Talisman
Nailed Heart Talisman
Bandish Talisman
Aqad Al Tareek Talisman
Kila Talisman
Hoodoo Candle Talisman
Surah e Falaq Talisman
Bamboo Talisman
Voodoo Nail Talisman
Kuch arsa pehlay meinay Hudhud parinday ki 3 wish bones kay mutalik bataya tha yeh 3 khas choti hadio ka tilsim meinay dunia bhar mein har jaga logon ko send kia kai logon ko is say bohat fawaid hasil hoay kisi ko jaldi faiday hasil hoay aur kisi ko late, same osi 3 wishbones ki tarah ka he yeh khas 3 wish fulfilled sticks ka tilsim yahan share kar raha hon, yeh 3 wishbones ki tarah he kafi powerfull tilsim hai lekin isay banana asan nahi kuo kay is amal mein aik zahrila saanp ko use kia jata hai, yeh khas amal har kisam ki financial problems ya job ki problems solve karnay kay liay hai iskay ilawa rupay peson mein barkat aur saving ka na hona, rupay peson kay lain dain mein rikawat ya atak parna ya rupay peson par kisi bhi tarah ki bandish ho is amal say khatam hojati hai, har insan ki khuwaish hoti hai kay oskay pas achi khasi itni dolat ho kay zindagi aram say khushali mein guzray lekin woh jitni bhi mehnat kar kay achi khasi dolat jamah krnay ki koshish krta hai takay agay kam ay lekin nahi kar pata kuo kay jesay jesay din guzartay jatay hain kharch barhtay jatay hain aur kuch bhi saving nahi ho pati,
meray pas ziada tar clients yahi masael lekar atay hain kay Ali bhai hum mashAllah achay khasay pesay kama letay hain lekin kuch bhi saving nahi hopati shayad humaray kam mein barkat nahi ya koi bandish see hai, hum feel kartay hain kay koi andekhi kowat ka dakhal hai jis say hum kamiab nahi hoparahai apni zati life mein kuo kay hum paisay saving karna chahatay hain takay humari life khushali mein guzray,
Dunia mein apko kai tarah kay log milay ghay aik woh jo bohat gareeb hotay hain onkay liay 100 rupay rakam azeem hoti hai woh cholay sara din sale kar kay 10 rupay ki plate 10 logon ko khila kar 100 rupay kama kar mutamin hojatay hain aur kai log aysay bhi hain jinka lakhon rupay ka karobar hota hai sara din aik crore rupay kama kar mutamin hojatay hain,
Meray pas har tabkay kay log gareeb wa ameer sabi apnay masael kay hal kay liay atay hain aysay bicharay gareeb bhi atay hain jo kehtay hain Ali bhai meinay aaj sara din kam kia socha kay 500 rupay kama kar aap ko tawez ka hadiya don ga lekin kasam say Ali bhai aaj kuch bhi kama na saka sirf 200 rupay aap ki khidmat mein lekar aya hon, mujay dokh wa afsos bohat hota hai aur confused sa hojata hon kay os say hadiya lon ya nahi agar nahi leta to osay ehsae e kamtari feel hogi osay lagay ga Ali bhai meri gorbat par taras kha rahai hain, har insan jesa bhi ho osay apnay kam aur mehnat par fakhar hota hai, aysay bhi ameer log atay hain meray pas jo kehtay hain Ali bhai kuch amal karo kay is saal new car lon abhi itni saving he nahi ki peson ki kay new car lay sakon agar is saal new year par new car nahi lay saka to meray friends aur family mein cousins sab hasay ghay kay kahan ghai iski shan wa shokat woh orooj kahan gaya kay har saal new car leta hai, Ali bhai yeh meri shoro say adat rahi hai mein har saal new car leta hon please bhai aap kuch aysa amal karain kay is saal meri izat wa shan bar karar rahai doston aur family mein jistarah humaisha rahi hai,
Insan kitna bhi ameer hojay lekin khud ko humaisha gareeb he samajta hai oski waja yeh hai kay woh apnay say ziada opar walay ameer shaks ko dekhta hai aur oskay muqablay mein woh khud ko gareeb feel karta hai aur ehsas e kamtari ka shikar bhi hojata hai jab mehfil mein ameer log jamah hotay hain, dikhaway dikhaway mein woh apni dolat pani ki tarah bhata chala jata hai aur phir aik din aysa ata hai kay 1000 rupay oskay liay rakam e azeem ban jati hai,
Aur middle class joint family kay logon mein peson ki saving ka bara masla hota hai, ghar kay sabi afrad ki achi jobs hoti hain lekin peson ki bachat nahi hopati waja ghar kay akhrajat ya phir ghar ki aurton ki hasad ki waja say bicharay mard majbor hojatay hain jab woh kehti hain kay tumharay bhai nay apni wife ko kitni achi shopping karwa hai mujay bhi aysay kapray apnay liay aur bachon kay liay chahehai to bichara husband yahi kahai ga kay meray bhai ki salary job mein muj say ziada hai woh aysay expensive lay saktay hain hum nahi lay saktay lekin phir bichara biwi ko khush karnay kay liay expensive kapray lenay par majbor hojata hai takay ehsas e kamtari ka woh shikar na hosakay isi waja say saving nahi hopati, lekin jesa dor abhi chal raha hai peson ki saving kar shaks kay liay zarori hai takay kal woh pesay kam asakay, istarah ki kai problems jo rupay peson say jori hoti hain oskay liay yeh amal jo yahan share kar raha hon sab kay liay best hai chahai oska taluk kisi bhi tabkay wa mazhab say ho yeh amal sabi ko faida pohancha sakta hai, aab mein yahan is khas amal ko share kar raha hon,
Anatomy of Three Fullfilled Sticks:
Sarkanday ya bamboo ki small 3 sticks yehni nalkia li jay jo 3 colours mein hon brown, yellow aur white, jab yeh hasil hojay oskay baad 40 muktalif ameer logon kay gharon mein say aik aik kar kay chotay stones yehni kankar liay jay agar kankar milna possible na hoto matti bhi use hosakti hai agar 40 ameer logon kay gharon kay stones ya matti milna possible na hoto oskay ilawa 40 bari banks ya shopping mall ki matti say bhi amal hosakta hai, 40 gold jewellry ki famous shops ki matti say bhi amal hosakta hai,
jab matti ya stones hasil hojay oskay baad jiskay liay amal kia jaraha ho oskay sar kay baal aur dono hathon aur paon kay nakhon liay jay,
Stones Filled Stick:
Brown stick ki nalki mein 40 ameer logon kay gharon kay stones dalay jay sunday ki suba ko aur is amal say mansob khas tilsim ka symbol stick par likha jata hai, stones dalnay kay baad stick ko red candle wax say seal krdia jata hai,
Nails Filled Stick:
Yellow stick ki nalki mein nakhon dalay jay thursday ko aur nalki par is amal say mansob tilsim ka symbol likh kar nalki ko red candle wax say holes ko seal kardia jay,
Hair Filled Stick:
White stick ki nalki mein baal dalay jay friday ki suba aur nalki kay aik side irani feroza chopkaya jay yeh khas chotay size ka feroza hota hai, is amal say mansob tilsim ka symbol stick par likha jay, oskay baad nalki kay dosray siray ko red candle wax say seal kardia jay,
In teeno sticks ki nalkio ko stones, nails aur hair say fill karnay kay baad red candle ki wax say sticks kay holes ko seal kar kay sticks ko mehfoz jaga rakh dia jay,
The Snake Spirituality:
Is khas amal mein jo moshkil kam hai woh snake ka hai, is amal mein aysa kala saanp use kia jata hai jispar white lakeray hon yeh common krait zehrila snake hai jo sindh kay ilakon mein ba asani mil jata hai, yeh snake raat kay waqat ziada active hota hai aur raat ko talash krnay say easily mil jata hai,
Teht Al Sha kay okat mein yehni jis raat chand asman mein na ho os raat is saanp ko ahtiat say pakra jay,
Jab mein yeh khas amal kisi kay liay kar raha tha to raat mein is saanp ko talash kia jo aik nehar kay kinaray jhario mein mandak ko khanay mein masrof tha, meinay bina net yeni jali kay isay easily hath say pakar lia kuo kay oskay mu mein mandak tha woh das na saka,
Jab saanp mil jay to osay amal wali khas jaga par laya jata hai aur isay matti kay bartan mein rakha jata hai,
Matti kay bartan ka piali noma dhakan aysa hota hai jis kay center mein hole kia jata hai,
Is hole wali piali noma dhakan ko bartan par rakh kar hole wali jaga mein roi laga di jati hai,
Roi laganay kay baad dhakan kay charon taraf aata laga kar dhakan ko bartan kay sath seal kardia jata hai,
Aatay ki madad say dhakan ko bartan par seal krnay kay baad dhakan mein milk dal kar os mein 3 sticks dal di jati hain, dhakan kay hole mein roi honay ki waja say milk sari raat katra katra saanp kay opar girta rehta hai aur saanp is milk ko peeta rehta hai, yeh amal aik khas raat kay waqat kia jata hai aur bartan par is amal say mansob tilsim likhay jatay hain aur aak khas mala bartan par lapeti jati hai takay saanp kay jinnati asrat say amal kharab na honay pae, bina hisar ki mala say saanp doran e amal bechain sa hokar bartan say nikalnay ki koshish karta hai aur agar doran e amal saanp bartan say nikal gaya bahir aur talash karnay kay baad bhi nahi mila to yeh aamil kay liay problem peda kar sakta hai, hisar wali mala say saanp pur sakon rehta hai aur harkat nahi krta bartan kay andar,
Saanp ko sari raat amal wali jaga isitarah rakha jata hai, suba tak milk sab bartan say ghom hojata hai saanp osay pee jata hai, suba ko ahtiat say saanp ko bartan say nikal kar abadi say dor azad chor dia jata hai,
Is amal kay baad teeno sticks fully ritualized charged hojati hain aab sirf inko alag alag maksos jagahon mein rakhna hota hai,
The Stick of Money:
Amal kay baad teeno sticks ko sunbhal kay rakha jay phir jesay moka milay to sab say pehlay yellow wali stick jis mein nails dalay ghay hain is stick ko kisi famous bank mein mojod money plant poday ki matti mein daba dia jay istarah kay kisi ko malum na ho na koi osay wahan say nikalay,
Banks mein aksar money plant kay poday hotay hain aur yeh money ko apni taraf attaract karnay ki salaheyat rakhtay hain, woh money plant jo kisi famous bank mein kafi arsay say phol phal raha ho os money plant mein bohat zabardast mukhfi asrat hotay hain, wahan is khas stick ko os plant ki matti mein dabanay say jis shaks kay nails os mein hon ghay woh dolat say malamal hojay ga, dolat, rupay pesay oski taraf aysay attaract honay lag jay ghay kay jahan pesay milnay ki umeed he nahi thi wahan say bhi milnay shoro hojay ghay nai nai zariay nai nai rastay kholtay chalay jay ghay jis say rupay peson ko rokna, atak ka hona ya bandish bilkol khatam hojay gi aur banda jitna bhi kharch karta rahai lekin pesay anay mein rukawat nahi hogi kisi bhi tarah ki jis say ba asani saving hosakay gi aur life khushal hoti chali jay gi,
The Stick of Attaraction:
Woh stick jis mein baal dalay ghay thay yeh stick job, factory ya shop wali jaga mein rakhtay hain jahan cash ya rupay pesay rakhay jatay hain, koi bartan laykar os mein coins dal kar on coins kay opar is stick ko rakha jay aur shopping karnay ya kisi bhi zariay say coins milay to in coins ko isi maksos bartan mein jamah kartay rehna chahehai aur jab nae chand ki date hoto in coins say koi meethi chez lay kar bachon mein bant di jay, yeh stick attaract karti hai customers ko shop par agar os banday ki shop hai to jiskay baal is mein hai, agar shop nahi job hai to boss attaract hokar meharban hojata hai, agar factory hai to molazim sab attaract hokar emandari aur sachai say kam kartay hain,
The Stick of Happiness:
Is khas stick ko jis mein 40 ameer logon kay gharon kay stones dalay ghay thay is stick ko choti see bottle mein dal kar ittar lagi roi bhari jati hai takay stick aik jaga jami rahai hilay nahi, phir is bottle ko ghar mein cash ya jewllery rakhnay wali jaga par rakh dia jata hai, is stick kay mukhfi asrat say ghar khushal hojata hai aur ghar mein dunia ki har nehmat ani shoro hojati hai jistarah ameer logon kay ghar hotay hain jesi onki rahaish aur shan wa shokat hoti hai wesay ghar mein yeh sab atta hona shoro hojata hai, ghar ka har shaks ka luck behtar say behtar hota chala jata hai aur financially har kisam ki problems khatam hoti chali jati hai, ghar ki nahosat ya bad asrat jiski waja say kisi chez mein barkat na hoti ho aysay sab bad asrat dor hojatay hain,
Yeh khas amal aik saperay kay zariay mujay mila hai, amal mushkil aur khatarnak hai lekin bohat zabardast hai is amal say koi logon kay financially masael meinay solve kiay hain, agar aap ko bhi yeh amal muj say karwana hai to aap muj say rabta kar kay yeh amal muj say karwa kar financial masael kay daldal say bahir nikal saktay hain,
Rabtay kay liay Call, Whatsapp ya E-mail karain:
Phone: +92 03003799165
E-mail: ali_pirzada@yahoo.com
InshAllah bohat jald new post kay sath hazir honga,
Apni duaon mein zaror yaad rakhiay ga,
Ali.
